რუსეთის დუმის სპიკერი ინიციატივით გამოდის, ქონება ჩამოერთვათ რუსეთიდან წასულ მოქალაქეებს, რომლებიც უკრაინას უჭერენ მხარს

რუსეთის სახელმწიფო დუმის სპიკერი ვიაჩესლავ ვოლოდინი გამოდის ინიციატივით, ჩამოერთვათ ქონება რუსეთიდან წასულ იმ მოქალაქეებს, რომლებიც უკრაინას უჭერენ მხარს. ამის შესახებ მან „ტელეგრამ-არხზე“ დაწერა.

„ისინი აქირავებენ უძრავ ქონებას, აგრძელებენ ჰონორარების მიღებას რუსეთის მოქალაქეების ხარჯზე. ამასთან, აძლევენ საკუთარ თავს უფლება, საჯაროდ შეასხან ტალახი რუსეთს, შეურაცხყოფენ ჩვენს სამხედროებს და ოფიცრებს, გრძნობენ თავს დაუსჯელად და მიაჩნიათ, რომ მართლმსაჯულება მათ ვერ მიწვდება“, – აღნიშნავს რუსეთის დუმის სპიკერი.

ვოლოდინი გამოდის ინიციატივით, რომ რუსეთის სისხლის სამართლის კოდექსის შესაბამის მუხლებს დაემატოს პუნქტი რუსეთში ქონების კონფისკაციის შესახებ.