რუსეთი წარმოადგენს მთავარ სამხედრო საფრთხეს შვედეთისა და NATO-სთვის - შვედეთის დაზვერვის ანგარიში

რუსეთი წარმოადგენს მთავარ სამხედრო საფრთხეს შვედეთისა და NATO-სთვის, – ამის შესახებ ნათქვამია შვედეთის სამხედრო დაზვერვისა და უსაფრთხოების სამსახურის მიერ გამოქვეყნებულ ყოველწლიურ ანგარიშში, რომელსაც „პოლიტიკო“ ავრცელებს.

ანგარიშში აღნიშნულია, რომ მოსკოვის უფრო აგრესიულმა ქცევამ შესაძლოა, საშიში ესკალაცია გამოიწვიოს.

შვედეთის დაზვერვამ რუსეთის აგრესიული ქმედებების მაგალითებად დაასახელა საჰაერო სივრცის დარღვევა, დივერსიები და კიბეროპერაციები.

ამასთან, ანგარიშში ხაზგასმულია, რომ ეს საფრთხე „სერიოზული და კონკრეტულია“, ხოლო მოსკოვის ქცევა – „აგრესიული“.