როგორ ჩანს, პრეზიდენტ ზელენსკის და პრეზიდენტ პუტინს შორის შეხვედრა არ გაიმართება - ფრიდრიხ მერცი

რუსეთის პრეზიდენტ ვლადიმერ პუტინსა და უკრაინის პრეზიდენტ ვოლოდიმირ ზელენსკის შორის შეხვედრა, სავარაუდოდ, არ შედგება - ამის შესახებ გერმანიის კანცლერმა განაცხადა. ფრიდრიხ მერცის თქმით, გერმანიისა და საფრანგეთის მთავრობები, ამერიკაში მიღწეული შეთანხმების მიუხედავად, უკრაინაში მიმდინარე ომს განიხილავენ "იმის გათვალისწინებით, რომ პრეზიდენტ ზელენსკის და პრეზიდენტ პუტინს შორის შეხვედრა არ შედგება".

გერმანიის კანცლერი კიევზე რუსეთის მიერ განხორციელებულ თავდასხმასაც გამოეხმაურა და თქვა, რომ ასეთ უპრეცედენტო თავდასხმას უნდა უპასუხონ.

"გვსურს, ვისაუბროთ ჩვენი დროის დიდ პრობლემებზე, რადგან გვაქვს გარკვეული საკითხები, რომელთა გადაჭრა მხოლოდ ერთად შეგვიძლია. ჩვენ ევროკავშირში მარტო არ ვართ. ევროკავშირში არიან წევრები, რომლებსაც შეუძლიათ დაეყრდნონ ჩვენ გადაწყვეტილებებს. იმიტომ რომ ნებისმიერი გადაწყვეტილება, გვინდა ევროკავშირის ყველა წევრთან იყოს შეთანხმებული. როგორ ჩანს, პრეზიდენტ ზელენსკის და პრეზიდენტ პუტინს შორის შეხვედრა არ გაიმართება, გასულ კვირას ვაშინგტონში ყოფნისას მიღწეული შეთანხმების მიუხედავად", - აცხადებს ფრიდრიხ მერცი.