რატომ ეძინათ შუა საუკუნეებში ადამიანებს კარადებში - უცნაური ჩვევა, რომელიც ჩვენს დროში ბრუნდება

შუა საუკუნეებში ცხოვრებას ბევრი თავისებურება ჰქონდა, რაც ხშირად გაუგებარი და შოკისმომგვრელიც კია თანამედროვე ადამიანებისთვის. მაგალითად, ალბათ არ იცოდით, რომ იმ დროს კარადაში ძილი საკმაოდ გავრცელებული იყო!

როგორც DailyGalaxy წერს, ეგრეთ წოდებული საწოლის კარადები, ანუ კომოდის საწოლები საუკუნეების განმავლობაში ცივ, ვიწრო და გადატვირთულ სახლებში ძილისთვის პოპულარულ ადგილს წარმოადგენდა. საინტერესოა: დღეს, როდესაც ქალაქებში კვადრატული მეტრის ფასი მკვეთრად იზრდება, ძველი ნოუ-ჰაუ კვლავ აქტუალური ხდება.

რატომ ეძინა ხალხს კარადაში?

წარმოიდგინეთ შუა საუკუნეების სახლი: ერთი ოთახი ყველასთვის, ყველა ნაპრალიდან ნიავი შემოდის, სითბო - მხოლოდ ბუხრიდან და ეს არ არის საკმარისი ოთახის სრულად გასათბობად. ასეთ პირობებში კომპაქტური „საძილე კარადა“ არა ექსცენტრულობა, არამედ ხსნა იყო. კარით ან ფარდებით დახურული ხის საწოლი ინარჩუნებდა სხეულის სითბოს და ქმნიდა მყუდრო „კაფსულას“ სიცივესა და ქაოსში.

„გარდერობის საწოლი“ მხოლოდ ძილის ადგილი არ იყო. დღისით მას შეეძლო სკამის ფუნქციაც შეესრულებინა და ნივთები შიგნით ინახებოდა.

საძილე კარადები ევროპაში საკმაოდ გავრცელებული იყო XIX საუკუნის მეორე ნახევრამდე, სანამ ყოველდღიურ ცხოვრებაში რევოლუცია არ დაიწყო. როდესაც ჩვეულებრივი ადამიანები შუა საუკუნეების წინაპრებთან შედარებით ცოტათი უფრო მდიდრები გახდნენ, მათი სახლები უფრო დიდი და თბილი გახდა. ამიტომ საძილე კარადების საჭიროება უბრალოდ გაქრა.

ძველი იდეის ახალი სიცოცხლე

დღეს მსგავსი კარადები ნელ-ნელა კვლავ პოპულარული ხდება. აშენებენ კაფსულის ტიპის სასტუმროებსაც. მათი საერთოდ ფესვები კი სწორედ  „გარდერობის საწოლთან“ არის დაკავშირებული. 

და ვინ იცის - შესაძლოა, უახლოეს მომავალში საწოლის ნაცვლად, მოდური გახდეს ელეგანტური გარდერობი, სადაც შეგიძლიათ დაიმალოთ დიდი ქალაქის ხმაურისგან, სინათლისა და აურზაურისგან. ბოლოს და ბოლოს, ზოგჯერ საუკეთესო იდეები ის იდეებია, რომლებმაც უკვე იხსნა კაცობრიობა სიცივისა და უძილობისგან.