პუტინი თუ მზადაა პირდაპირი მოლაპარაკებებისთვის, შევხვდეთ, მაგრამ ჩვენ არ შეგვიძლია მსოფლიოს გარშემო სირბილი მის საძებნელად - ზელენსკი

პუტინი თუ მზადაა პირდაპირი მოლაპარაკებებისთვის, შევხვდეთ, ჩვენ აქ ვართ, მაგრამ ის არც აქ არის და არც სტამბოლში, ჩვენ არ შეგვიძლია მსოფლიოს გარშემო სირბილი მის საძებნელად, – ამის შესახებ უკრაინის პრეზიდენტმა, ვოლოდიმირ ზელენსკიმ თურქეთის პრეზიდენტთან შეხვედრის დასრულების შემდეგ გამართულ პრესკონფერენციაზე განაცხადა.

ზელენსკის თქმით, თუ ვლადიმერ პუტინი მზად არის მოლაპარაკებებისთვის, ის შეხვედრას განიხილავს.

„სტამბოლში არაფერი მაქვს გასაკეთებელი. რუსეთმა განაცხადა, რომ პუტინი პირდაპირი მოლაპარაკებებისთვის მზად იყო, შემდეგ კი ყველაფერი შეიცვალა. ჩვენ პირდაპირი მოლაპარაკებებისთვის მზად ვართ. თუ პუტინი მზადაა პირდაპირი მოლაპარაკებებისთვის, შევხვდეთ. ჩვენ აქ ვართ, მაგრამ ის არც აქ არის და არც სტამბოლში. ჩვენ არ შეგვიძლია მსოფლიოს გარშემო სირბილი მის საძებნელად“, – აღნიშნა ზელენსკიმ.

რუსეთ-უკრაინის მოლაპარაკებები სტამბოლშია დაგეგმილი. საუბარი იყო ტრამპის, ზელენსკისა და პუტინის მონაწილეობით მოლაპარაკებებზეც, თუმცა ცნობილი გახდა, რომ ლიდერების დონეზე შეხვედრა არ გაიმართება.