ნობელის პრემიის რუს ლაურეატს კრემლმა უთხრა, ჯილდოს მიღებაზე უარი ეთქვა - მედია

მშვიდობის დარგში ნობელის პრემიის წლევანდელმა რუსმა ლაურეატმა განაცხადა, რომ კრემლის ხელისუფლებამ უთხრა, უარი ეთქვა ჯილდოზე. ამის შესახებ BBC წერს.

გამოცემის ცნობით, იან რაჩინსკიმ, რომელიც Memorial-ს ხელმძღვანელობს, განაცხადა, რომ მას უთხრეს, არ მიეღო პრიზი, რადგან ორი სხვა თანალაურეატი - უკრაინული უფლებადამცველი ორგანიზაცია და დაპატიმრებული ბელორუსის უფლებადამცველი - „შეუსაბამოდ“ ჩათვალეს.

Memorial-ი რუსეთის სამოქალაქო უფლებების დაცვის ერთ-ერთი უძველესი ჯგუფია და მთავრობამ გასულ წელს დახურა.

რაჩინსკიმ BBC-სთან ინტერვიუში განაცხადა, რომ მიღებული რჩევა არ გაითვალისწინა.