მედია: მანჰეტენზე მდებარე ერთ-ერთ ცათამბჯენში მომხდარი სროლის შედეგად, სულ მცირე, ხუთი ადამიანი დაიღუპა

ნიუ-იორკში, მანჰეტენზე მდებარე ერთ-ერთ ცათამბჯენში მომხდარი სროლის შედეგად, სულ მცირე, ხუთი ადამიანი დაიღუპა, მათ შორის, ნიუ-იორკის პოლიციის ერთი თანამშრომელი. ინფორმაციას ამის შესახებ გამოცემა New York Post-ი სამართალდამცავ წყაროებზე დაყრდნობით ავრცელებს.

გამოცემის ინფორმაციით, ინციდენტის შედეგად ასევე ექვსი ადამიანი დაშავდა.

ამ დროისთვის შემთხვევის დეტალები გარკვევის პროცესშია, სამართალდამცავი უწყებები მომხდარს იძიებენ.

პოლიციამ განაცხადა, რომ სროლაში მონაწილე პირი განეიტრალებულია.