მამაკაცმა ცოლი და 3 ქალიშვილი ძილის დროს თავში სროლით მოკლა - სასტიკი მკვლელობა თურქეთში

თურქეთში, შირნაქის იდილის რაიონში მამაკაცმა ცოლი და 3 შვილი მოკლა, შემდეგ კი პოლიციაში მივიდა და ჩაბარდა.

მამაკაცმა 13, 16 და 17 წლის ქალიშვილები თოფით მოკლა. 

ჰასან ყარაასლანის დაკავებისას, შემთხვევის ადგილზე მისულ პოლიციელებს 4 ცხედარი დახვდა.

როგორც ადგილობრივი მედია წერს, დედას და სამ არასრულწლოვანს ტყვია თავის არეში აქვთ მიყენებული.

ცხედრები შირნაქის სახელმწიფო საავადმყოფოში ექსპერტიზაზე გადაასვენეს.

მომხდარზე გამოძიება გრძელდება.