კრიმინალი გათავისუფლებული პატიმრის ბარგში დაიმალა და ციხიდან გაიქცა

საფრანგეთში კრიმინალი ციხიდან გათავისუფლებული პატიმრის ბარგში დაიმალა და ისე გაიქცა. ამის შესახებ უცხოური მედია წერს.

გამოცემის ცნობით, გაქცეული 20 წლის პატიმარია. მცველებს 24 საათი დასჭირდათ იმის გასაცნობიერებლად, რომ ის დაკარგული იყო.

„ეს უკიდურესად იშვიათი მოვლენაა, რომელიც ამ ადმინისტრაციაში არასდროს განგვიცდია და რომელიც აშკარად ავლენს სერიოზული დისფუნქციების მთელ სერიას“, - განუცხადა პრესას საფრანგეთის ციხის ადმინისტრაციის დირექტორმა.

შიდა წყაროების ცნობით, ახალგაზრდა პატიმარი იმალებოდა „სტუმრების ჩანთაში“, დიდ ტილოს ტომარაში, რომელსაც პატიმრები გათავისუფლების შემდეგ ნივთების გადასატანად იყენებდნენ. რატომღაც, გათავისუფლებული პატიმრის დიდმა ჩანთამ მცველის ყურადღება ვერ მიიპყრო და არც იმ ფაქტმა, რომ მან ეტლი ითხოვა, რათა მძიმე ჩანთა მის მომლოდინე მანქანამდე მიეტანა.

გაქცევიდან 24 საათის შემდეგ პოლიციამ მას მთელი ქვეყნის მასშტაბით ძებნა დაუწყო. 20 წლის გაქცეული დააკავეს ლიონის ჩრდილოეთით, ციხიდან დაახლოებით 25 წუთის სავალზე.