კატარის პრემიერი: არსებობს მაღალი ალბათობა, რომ აშშ-მა და ირანმა შეთანხმებას მიაღწიონ

არსებობს მაღალი ალბათობა, რომ აშშ-მა და ირანმა შეთანხმებას მიაღწიონ, - განუცხადა კატარის პრემიერ-მინისტრმა, მუჰამედ აბდულრაჰმან ალ-თანიმ გამოცემა Al-Araby Al-Jadeed-ს.

მან დაგმო ჰორმუზის სრუტის გამოყენება ვაჭრობის საგნად და აღნიშნა, რომ ნებისმიერმა შეთანხმებამ რეგიონის ინტერესები უნდა გაითვალისწინოს.

პრემიერ-მინისტრმა მოუწოდა სპარსეთის ყურის ქვეყნებს „ინტეგრაციისკენ“ საერთო საფრთხეებთან გასამკლავებლად, რაც, სავარაუდოდ, ირანზე მინიშნებაა.

ალ-თანი მხარს უჭერს თავისი ქვეყნის ალიანსს აშშ-თან და აცხადებს, რომ იგი საერთო ინტერესებსა და ყოვლისმომცველ ურთიერთგაგებას ეფუძნება.