ილონ მასკმა განაცხადა, რა შემთხვევაში დატოვებს Twitter-ის აღმასრულებელი დირექტორის თანამდებობას

Twitter-ის მფლობელმა, ილონ მასკმა განაცხადა, რომ კომპანიის აღმასრულებელი დირექტორის თანამდებობას მაშინვე დატოვებს, როგორც კი ამ თანამდებობაზე დანიშვნის მსურველ „საკმარისად სულელ“ შემცვლელს იპოვის.

„დავტოვებ კომპანიის აღმასრულებელი დირექტორის თანამდებობას მაშინვე, როგორც კი ამ თანამდებობაზე დანიშვნის მსურველ „საკმარისად სულელ“ შემცვლელს  ვიპოვი. ამის შემდეგ, მხოლოდ კოდსა და სერვერებზე მუშაობაზე ვკონცენტრირდები“, - წერს მასკი Twitter-ზე.

I will resign as CEO as soon as I find someone foolish enough to take the job! After that, I will just run the software & servers teams.

— Elon Musk (@elonmusk) December 21, 2022