ჰაკან ფიდანი: სპარსეთის ყურეში არსებული პრობლემა არავითარ შემთხვევაში არ უნდა გახდეს ღაზის საკითხის დავიწყების მიზეზი

თურქეთის საგარეო საქმეთა მინისტრი ჰაკან ფიდანი ჰორმუზის სრუტის „იარაღად“ გამოყენების წინააღმდეგ გამოდის. მისი თქმით, როგორც რეგიონული სტაბილურობისთვის, ასევე გლობალური ეკონომიკისთვის მნიშვნელოვანია, რომ ჰორმუზის სრუტე იარაღად არ იქნას გამოყენებული.

„სპარსეთის ყურეში არსებული პრობლემა არავითარ შემთხვევაში არ უნდა გახდეს ღაზის საკითხის დავიწყების მიზეზი“, – განაცხადა ჰაკან ფიდარმა კატარის პრემიერ-მინისტრთან და საგარეო საქმეთა მინისტრთან ერთად გამართულ პრესკონფერენციაზე.

თურქეთის საგარეო საქმეთა მინისტრმა ასევე აღნიშნა, რომ ისრაელის ექსპანსიონიზმი რეგიონში „სტაბილურობისა და უსაფრთხოებისთვის“ მთავარ საფრთხეს წარმოადგენს.