გერმანიაში უკრაინელი ლტოლვილების თავშესაფარს ცეცხლი წაუკიდეს

გერმანიაში, გროს-სტრომკენდორფის მუნიციპალიტეტში უკრაინელი ლტოლვილების თავშესაფარს ცეცხლი წაუკიდეს. ამის შესახებ უკრაინული მედია წერს.

გამოცემის ცნობით, 19 ოქტომბერს, ადგილობრივი დროით დაახლოებით 21:20 საათზე, სასტუმრო Phoenix Hotel Schäfereck-ის სასტუმრო კომპლექსში ხანძარი გაჩნდა. ცეცხლი სწრაფად გავრცელდა ჩალის სახურავზე. ადგილზე დილამდე მუშაობდა სახანძრო სამსახური. ხანძრის შედეგად სახურავი ჩამოინგრა.

მარტიდან ამ სასტუმროში უკრაინიდან ომის გამო წასული 14 ადამიანი ცხოვრობს. ასევე იმ საღამოს იქ წითელი ჯვრის სამი თანამშრომელი იყო. ყველა მათგანმა დროულად მოახერხა ევაკუაცია, მსხვერპლი არ ყოფილა. დამწვარი სასტუმროს მცხოვრებლები სხვა ადგილას გადაიყვანეს.

შსს-ს ინფორმაციით, ფაქტზე გამოძიება უკვე დაწყებულია, სავარაუდოდ, ცეცხლი ძალით გააჩინეს. 

იქამდე, ადგილზე პოლიციაც გამოიძახეს შესასვლელთან დახატული სვასტიკის გამო.