გაიცანით ქალი, რომელმაც წერა-კითხვა 104 წლის ასაკში ისწავლა

სწავლა, რომ არასდროს არის გვიან, ამის კარგი მაგალითია ინდოელი ქალი, რომელიც მცირე ასაკში გაათხოვეს და განათლება ვერ მიიღო. სანუკვარი ოცნება 104 წლის ასაკში აისრულა და წერა-კითხვა ისწავლა. ინფორმაციას ამის შესახებ BBC ავრცელებს.

როგორც საუკუნეს გადაცილებული ქალი ამბობს, როცა ანბანს ხედავდა, ძალიან უნდოდა, ასოების ცნობა შეძლებოდა.

„მინდოდა, მასწავლებელი გამოვსულიყავი, მაგრამ ეს ვერ მოხდებოდა, რადგან არასდროს მივლია სკოლაში.“ – ამბობს ის.