ევროპის პროკურატურამ საბერძნეთში აგრარული სუბსიდიების თაღლითურად მიღებისთვის 16 ადამიანს ბრალი წაუყენა

ევროპის პროკურატურამ საბერძნეთში ბრალი წაუყენა 16 ადამიანს, რომლებიც ევროკავშირის აგრარული სუბსიდიების თაღლითურად მიღებაში არიან ეჭვმიტანილები.

ბრალდებებს შორისაა დანაშაულებრივი ორგანიზაციის შექმნა და ხელმძღვანელობა, დამამძიმებელ გარემოებებში სუბსიდიების თაღლითური გზით მიღება, ფულის გათეთრება, ასევე, ევროკავშირისა და საბერძნეთის ფინანსური ინტერესების წინააღმდეგ მიმართული საქმიანობა.

დანაშაულებრივი სქემა 2019-2025 წლებში მოქმედებდა.