ესტონეთის სავაჭრო ცენტრში გიგანტური ქვა დგას - საიდან გაჩნდა ადგილზე

ესტონეთის ერთ-ერთ ქალაქში მდებარეობს სავაჭრო ცენტრი, რომელსაც შუაში  გიგანტური ლოდი უდევს. 

ქვა 22 მეტრის გარშემოწერილობისაა და დაახლოებით 6 მეტრის სიმაღლის (მიწაში ჩაფლული ნაწილის ჩათვლით). გიგანტური ქვა ადამიანების უმეტესობისთვის სავაჭრო ვიზიტების ერთ-ერთი მთავარი ღირსშესანიშნაობაა. ქვა იქ დიდი ხნით ადრე იდგა, სანამ სავაჭრო ცენტრის მფლობელები თავიანთი ბიზნეს წამოწყების გეგმებს შეადგენდნენ - უფრო ზუსტად, დაახლოებით 10 000 წლის წინ - მაგრამ მათ ის მხოლოდ საძირკველის გათხრისას, 2014 წლის სექტემბერში აღმოაჩინეს.

თავდაპირველად მუშებს მისი ნამსხვრევებად ქცევა ჰქონდათ განზრახული, მაგრამ ადგილობრივები ამ გეგმებს ეწინააღმდეგებოდნენ.

ერატული ბლოკები არის ქანები, რომლებიც მყინვარებმა გამოკვეთეს. დიდი ხნის განმავლობაში მყინვარმა სხვა ადგილას გადაიტანა და მყინვარის დნობისას დარჩა. მათ ხშირად განსხვავებული შემადგენლობა აქვთ ადგილობრივი ქანებისგან, რაც მყინვარებისა და წარსული გამყინვარების ეპოქების შესახებ ძვირფას გეოლოგიურ მინიშნებებს იძლევა. ესტონეთი უამრავი ერატული ქანის სამშობლოა, მაგრამ ითვლება, რომ ვიიმსის სავაჭრო ცენტრის შუაგულში არსებული ქანები იქ სულ მცირე 10 000 წლის წინ აღმოჩნდნენ, დაახლოებით ბოლო გამყინვარების პერიოდის დასრულების დროს.

როდესაც ვიიმსის სავაჭრო ცენტრი ათი წლის წინ პირველად გაიხსნა, ეს ლოდი თვალში საცემი იყო, თუმცა წლების განმავლობაში ხალხი მას შეეჩვია. ახლა ბევრი ტურისტი სავაჭრო ცენტრში სწორედ ამ ქვის სანახავად მიდის.