ერთი და იმავე შენობიდან, ერთ თვეში 2 ბავშვი გაუჩინარდა - ნიუ-იორკის პოლიცია 11 და 16 წლის ბიჭებს ეძებს

ნიუ-იორკის პოლიციის დეპარტამენტის ცნობით, მანჰეტენის ზემო დასავლეთ ნაწილში, ერთსა და იმავე შენობაში ორი ბავშვი ერთი თვის ინტერვალით დაიკარგა.

თერთმეტი წლის იბრაჰიმ აბდულ-ჰალიმი ბოლოს 5 ივნისს ნახეს. გასულ თვეში, იმავე შენობაში მცხოვრები 16 წლის ენდრიუ აჰტაი დაკარგულად გამოცხადდა და დღემდე დაკარგულად ითვლება.

გასულ ხუთშაბათს, იბრაჰიმი ბოლოს დაახლოებით საღამოს 5:50 საათზე ნახეს.

ასევე, პოლიციის წყაროზე დაყრდნობით გამოცემა იუწყება, რომ ენდრიუ ბოლოს სახლიდან გამოსვლისას 5 მაისს, დაახლოებით დილის 7:10 საათზე შენიშნეს.

„Bronx Daily“-სა და „Patch“ -ის ცნობით, ეს უკვე მესამე შემთხვევაა, როდესაც ენდრიუ სახლიდან გამოსვლისას გაუჩინარდა. გამოცემების ცნობით, ის ორჯერ იყო გაუჩინარებული.

Patch-ის ცნობით, ენდრიუს გაუჩინარების შესახებ პირველად 2020 წლის იანვარში განაცხადეს, როდესაც ის 10 წლის იყო. ბოლოს ის საკუთარ სახლში ნახეს, მაგრამ მალევე იპოვეს. Bronx Daily-ის ცნობით, მეორედ 2020 წლის სექტემბერში გაუჩინარდა.

ადგილობრივი მედიის ცნობით, იბრაჰიმი და ენდრიუ ბოლოს ამსტერდამის სახლებიდან რამდენიმე კვარტალში ნახეს.

ნიუ-იორკის პოლიციის დეპარტამენტი PEOPLE-ს უდასტურებს, რომ იბრაჰიმის და ენდრიუს საქმეებთან დაკავშირებით განახლებული ინფორმაცია არ არის. ორივე მათგანი კვლავ დაკარგულად ითვლება და გამოძიება გრძელდება.