ერდოღანი: წელს ქვეყანაში ტყის ხანძრების 96 პროცენტი ადამიანური ფაქტორით იყო გამოწვეული, პირველი ივნისიდან ტყის ხანძრებთან დაკავშირებით 40-მდე ადამიანი დააკავეს

თურქეთის პრეზიდენტის, რეჯეფ თაიფ ერდოღანის განცხადებით, 2025 წლის ზაფხულში გაჩენილ ტყის ხანძრებთან კავშირში მყოფი 40-მდე პირი დააკავეს.

რეჯეფ თაიფ ერდოღანის თქმით, წელს ქვეყანაში ტყის ხანძრების 96% ადამიანური ფაქტორით იყო გამოწვეული.

„პირველი ივნისის შემდეგ 149 ეჭვმიტანილი დააკავეს, 38 პირი კი პატიმრობაში დარჩა“, – აღნიშნა თურქეთის პრეზიდენტმა.

ერდოღანმა ასევე აღნიშნა, რომ თურქეთი ეფექტურად რეაგირებს ტყის ხანძრებზე და 2020-2024 წლების ბოლოსთვის უფრო ნაკლები დაზიანებული ტყის ფართობი ჰქონდა, ვიდრე ესპანეთს, იტალიას, საბერძნეთს, პორტუგალიას, აშშ-სა და კანადას.