მძღოლი დაჯარიმდება 100, 200 და 300 ლარით, ასევე დააკლდება ქულები - რეგულაციის დეტალები
1794996190
საბერძნეთში, კუნძულ ლესბოსზე, ტყეში გაჩენილმა რამდენიმე ხანძარმა დასახლებულ პუნქტებამდე მიაღწია, რის გამოც კუნძულზე ევაკუაცია გამოცხადდა. ამის შესახებ უცხოური მედია წერს.
გამოცემის ცნობით, ხანძრის ორი კერიდან ერთი სოფელი ვრისას მიმართულებით გავრცელდა, მეორე კი სანაპირო კურორტ ვატერასკენ, სადაც, სულ მცირე, ორი სახლია დამწვარი.
„ტერიტორიაზე კვლავ ჩანს კვამლის უზარმაზარი ნაკადი. მას თან ახლავს ძლიერი ქარი, რაც სასწრაფო დახმარების სამსახურებს ხანძრის ჩაქრობას ურთულებს“, - წერს მედია.
ხანძრის ჩაქრობას, 19 მანქანით, 81 მეხანძრე-მაშველი, 5 სამოქალაქო ჯგუფი, 9 თვითმფრინავი და 1 შვეულმფრენი ცდილობს. ოფიციალური ინფორმაციით, მუშაობის დროს, ერთი მეხანძრე დაშავდა.