ბელგიის ნაკრძალში გაჩენილი ხანძრის არეალი ორჯერ გაიზარდა

ბელგიაში არდენების ბუნებრივ ნაკრძალში გაჩენილი ხანძრის ჩაქრობა ამ დრომდე ვერ ხერხდება. ხანძრის არეალი ბოლო 24 საათში ორჯერ გაიზარდა. სტიქიის ეპიცენტრი გერმანიის საზღვრიდან 3 კილომეტრში მდებარეობს.

ბელგიის ისტორიაში ყველაზე მასშტაბურ ხანძარს 250-ზე მეტი მეხანძრე, სამხედრო, პოლიციელი და სამოქალაქო დაცვის თანამშრომელი ებრძვის. ოპერაციას შეუერთდნენ გერმანელი და ლუქსემბურგელი მეხანძრეებიც.