ავიაკატასტროფას ცნობილი ამერიკელი მომღერალი ემსხვერპლა

CNN Brazil-ის ცნობით , პოპულარული ამერიკელი მომღერალი ოლივერ ტრი ბრაზილიაში ვერტმფრენის შეჯახების შედეგად დაიღუპა.

რიოს თავზე, ორი ვერტმფრენი შეეჯახა, რის შედეგადაც ისინი ავტოსადგომზე ჩამოვარდა. ავარიის ადგილას მასშტაბური ხანძარი გაჩნდა.

ავიაკატასტროფას სულ ექვსი ადამიანი ემსხვერპლა, მათ შორის, არგენტინელი ბლოგერი გასპარ პრიმი, რომელსაც სოციალურ ქსელებში თითქმის 7,5 მილიონი გამომწერი ჰყავს. ის თვითმფრინავში 32 წლის ოლივერ ტრისთან ერთად იმყოფებოდა.

მომღერალი, რომელსაც სოციალურ მედიაში თითქმის 20 მილიონი გამომწერი ჰყავს, რიო-დე-ჟანეიროში მსოფლიო ტურნეს ფარგლებში იმყოფებოდა.

6 ივნისს მან სან-პაულუში კონცერტი გამართა, ხოლო 13 ივლისს პორტუგალიაში ტურნეს ევროპული ნაწილის პირველი კონცერტი უნდა გაემართა.