აშშ-ის განცხადებით, თუ კომპანიები ჰორმუზის სრუტეში გასავლელად გადასახადს გადაიხდიან, შესაძლოა დასანქცირდნენ

СNN-ის ცნობით, აშშ-ის ფინანსთა სამინისტრომ გაფრთხილება გამოაქვეყნა, რომლის მიხედვითაც, საზღვაო კომპანიებს შესაძლოა სანქციები დაეკისროთ, თუ ისინი გადაწყვეტენ, რომ ჰორმუზის სრუტის გავლისთვის გადასახადი გადაიხადონ.

აშშ-ის სახელმწიფო დეპარტამენტის უცხოური აქტივების კონტროლის ოფისის მიერ გავრცელებულ გაფრთხილებაში ნათქვამია, რომ სრუტეში გავლის გადასახადი აღიქმება, როგორც აშშ-ის სანქციების ქვეშ მყოფ ირანის რეჟიმთან და "ისლამური რევოლუციის გუშაგთა კორპუსთან" დადებული ხელშეკრულების ფორმა. შეტყობინებაში ასევე ნათქვამია, რომ სრუტეში გავლასთან დაკავშირებულმა ტრანზაქციებმა, შესაძლოა სანქციების ამოქმედება ფიზიკური პირების მიმართაც გამოიწვიოს.

"უცხოური აქტივების კონტროლის ოფისი (OFAC) ამ შეტყობინებას აქვეყნებს, რათა აშშ-ის და სხვა ქვეყნის მოქალაქეები გააფრთხილოს სანქციების რისკის შესახებ, რომელიც წარმოიქმნება ირანული რეჟიმისთვის სრუტეში გავლის გადასახადის გადახდით ან მათთვის სრუტეში უსაფრთხოდ გავლის გარანტიის მოთხოვნით. სანქციების რისკები გადახდის მეთოდის მიუხედავად არსებობს", - ნათქვამია განცხადებაში.