ექიმ ჯონი ჯანაშიას შესანიშნავი კომპოზიციები და „გაცოცხლებული“ანჩისხატის ტაძარი - „სამი წლის წინ გავაკეთე... წინასააღდგომოდ მთლიანად შევცვალე“

თბილისის ბავშვთა ინფექციური კლინიკური საავადმყოფოს დირექტორი, ექიმი, უნიჭიერესი მომღერალი, მსახიობი, კონცერტების ორგანიზატორი ჯონი ჯანაშია, პროფესიულ საქმიანობასთან ერთად, მოყვარული შემოქმედია, რაც მის მიერ შექმნილ, სამედიცინო ინვენტარისგან აწყობილ მინიატიურულ სახლებსა და კომპოზიციებში გამოიხატება. 

ექიმ-ნარკოლოგი, საზოგადოებას, აღდგომის ბრწყინვალე დღესასწაულს ულოცავს და სოციალურ ქსელში ახალ ნამუშევრებს აქვეყნებს: 

„ამ სამი წლის წინ გავაკეთე ანჩისხატის ტაძარი, თუმცა ძალიან უსიცოცხლო და პრიმიტიული გამომივიდა.

ამ წინასააღდგომოდ მთლიანად შევცვალე, შევეცადე რეალურთან მიმეახლოვებინა და გამეცოცხლებინა.

გილოცავთ აღდგომის ბრწყინვალე დღესასწაულს, ანჩისხატის მადლი გფარავდეთ!“ - წერს ჯანაშია.