რა სიმპტომები აქვს „პომიდვრის გრიპს“, რომელიც ბავშვებში ვრცელდება - ახალი ვირუსული ინფექცია ინდოეთში

ვირუსული ინფექცია „პომიდვრის გრიპი“ ინდოეთის ოთხ შტატში გავრცელდა. 

ინფექცია 5 წლამდე ბავშვებში ვრცელდება და ცხელება, სახსრების ტკივილი და წითელი გამონაყარი ახასიათებს. 

გარდა ამისა, მას თან ახლავს დიარეა, დეჰიდრატაცია, გულისრევა და ღებინება და დაღლილობა.

ჯანდაცვამ უკვე გამოსცა რეკომენდაციები ინფექციის პრევენციის და მკურნალობის მიზნით. 

როგორც ადგილობრივი მედია წერს, „პომიდვრის გრიპის“ სამკურნალოდ სპეციფიკური მკურნალობის მეთოდი ან ვაქცინა არ არსებობს. 

ჯანდაცვის ექსპერტების თქმით, ინფექციის დადასტურების შემთხვევაში უნდა მოხდეს იზოლირება სიმპტომებიდან ხუთი-შვიდი დღის განმავლობაში.