მსუბუქი მიმდინარეობის მქონე პაციენტებთან კარანტინისა და იზოლაციის ვადა შესაძლოა შემცირდეს - ნახეთ, სავარაუდო ვადები

„გადაწყვეტილება, რომელიც საქართველოში შეიძლება იყოს მიღებული, ეს ეხება არა მხოლოდ კარანტინს ან იზოლაციას, არამედ იმ ცვლილებებს, რომელიც მოიტანა ახალმა მუტაციამ“ -  ამის შესახებ იმუნიზაციის ტექნიკურ მრჩეველთა ეროვნული ჯგუფის ხელმძღვანელმა, ივანე ჩხაიძემ განაცხადა.

„შესაძლებელია, რომ ეს პერიოდი ჩვენთან 14 დღიდან შემცირდეს 8 დღემდე, ოღონდ არა ისე რადიკალურად, როგორც არის აშშ-ში.

ეს არ ეხება ყველა პაციენტს. ეს არის მხოლოდ იმ ადამიანებისთვის, რომლებსაც მსუბუქი მიმდინარეობა აქვთ“, - აცხადებს ივანე ჩხაიძე.

დღეს ქვეყანაში, კორონავირუსით ინფიცირების 5381 ახალი შემთხვევა დაფიქსირდა, გარდაიცვალა კიდევ 30 პაციენტი