გამყრელიძე კოვიდგადატანილი კონკრეტული პირებისთვის მწვანე პასპორტების მინიჭების შესახებ განცხადებაზე განმარტებას აკეთებს

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი ამირან გამყრელიძე მის მიერ გაკეთებულ განცხადებაზე, რომელიც კონკრეტული პირებისთვის ე.წ. მწვანე ბარათის მინიჭებას ეხებოდა, განმარტებას აკეთებს.

როგორც გამყრელიძემ „ინტერპრესნიუსს“ განუცხადა, „მწვანე პასპორტებს“ არა ის პირები მიიღებენ, რომლებსაც ტესტი არ გაუკეთებიათ, მაგრამ ოჯახის ექიმის მეთვალყურეობის ქვეშ იმყოფებოდნენ, არამედ კოვიდგადატანილი ის პირები, რომლებსაც ტესტი გაკეთებული აქვთ, თუმცა, ტესტირების შედეგი სხვადასხვა მიზეზის გამო ბაზაში ასახული არ არის.