11 აპრილიდან ექიმი ვალდებული იქნება მედიკამენტი მხოლოდ გენერიკული დასახელებით გამოწეროს - ფარმაცევტულ სფეროში ახალი რეფორმა განხორციელდა

ფარმაცევტულ სფეროში ახალი რეფორმა განხორციელდა - 11 აპრილიდან ექიმი ვალდებული იქნება მედიკამენტი მხოლოდ გენერიკული დასახელებით გამოწეროს. მოქალაქე კი თავად გადაწყვეტს, რომელი მწარმოებლის მიერ და რა ღირებულების მედიკამენტი შეიძინოს.

სიახლე მე-2 ჯგუფის ფარმაცევტულ პროდუქტს შეეხება და რეფორმა 1 მაისამდე საპილოტე იქნება.

ცვლილებები ეხება ფსიქოტროპული მედიკამენტების გამოწერის წესსაც. რეცეპტი მხოლოდ ელექტრონული ფორმით გაიცემა.