„ბალახს ჭამდა და საკუთარ შარდს სვამდა...“ - როგორ გადარჩა ველურ ბუნებაში მოლაშქრე, რომელმაც ფეხი მოიტეხა

ამერიკელი ჟურნალისტი და გამოცდილი მოლაშქრე ალეკ ლუნი საშინელ შემთხვევას გადაურჩა - ნორვეგიის ველურ მთებში მარტო ლაშქრობისას, სიმაღლიდან გადმოვარდა, ფეხი მოიტეხა და ზურგჩანთა დაკარგა, რომელშიც მარაგი და ტელეფონი ედო. ექვსი დღე დახმარებას ელოდა, გადარჩენისთვის ნამს სვამდა და ბალახს ჭამდა, წერს Washington Post.

38 წლის ჟურნალისტი და მისი ოჯახი ამ ზაფხულს ნორვეგიაში ისვენებდნენ. ერთად გატარებული დასვენების შემდეგ, მან ცოლი სახლში გაგზავნა და ფოლგეფონას ეროვნულ პარკში ლაშქრობისთვის დარჩა. 

ველურ ბუნებაში ეს მისი პირველი მოგზაურობა არ იყო. თუმცა, ამჯერად ტრაგიკული ინციდენტი მოხდა.

ლუნი მიხვდა, რომ მისი ცოლი ლაშქრობის დასრულებამდე მისგან შეტყობინებას არ დაელოდებოდა. მან იცოდა, რომ მას მხოლოდ მეოთხე დღეს დაუწყებდნენ ძებნას, როდესაც ცოლისთვის უნდა დაერეკა და აეროპორტში წასულიყო. მოგვიანებით მან თქვა, რომ ძლივს მოძრაობდა. როდესაც მოძრაობდა, ფეხი განსაკუთრებით სტკიოდა. ამიტომ გადაწყვიტა, დახმარებისთვის იმ ადგილას დალოდებოდა, სადაც დაეცა.

მან მოახერხა საძილე ტომრის, საწვიმარი პალტოს და რამდენიმე საჭმლის - ენერგეტიკული ბატონების, თხილისა და მიუსლის - გადარჩენა. ახლოს იყო ბალახები და ხავსები, რომელთა ჭამაც შეეძლო. ორი დღის შემდეგ მას განსაკუთრებით მოსწყურდა. მისი თქმით, ხელზე ბუშტუკი გაიხვრიტა და სისხლი დალია, ასევე საკუთარი შარდიც დალია, რადგან სითხის ნაკლებობის გამო გონების დაკარგვის ეშინოდა. მეოთხე დღეს წვიმა დაიწყო. მან წყლის შეგროვება და დალევა მოახერხა. თუმცა, წვიმამ, რომელიც არ წყდებოდა, მისი ტანსაცმელი დაასველა და თითქმის გაიყინა.

მაშველებმა მისი ძებნა მალევე დაიწყეს. წვიმამ და ქარმა მათ სამუშაო გაურთულა. დაცემიდან მეექვსე დღეს მათ მამაკაცის პოვნა და საავადმყოფოში გადაყვანა მოახერხეს. ექიმებმა კიდურების მოტეხილობები და მოყინვა დაუდგინეს.