განათლების სამინისტრო მოსწავლეებისა და მასწავლებლების სახელმძღვანელოებით უზრუნველყოფის პროგრამას აგრძელებს

საქართველოს განათლებისა და მეცნიერების სამინისტრო მოსწავლეებისა და მასწავლებლების სახელმძღვანელოებით უზრუნველყოფის პროგრამას აგრძელებს, რომლის ფარგლებშიც მიმდინარეობს 14 მილიონ ლარზე მეტი ღირებულების სახელმძღვანელოების ბეჭდვა.

ახალი სასწავლო წლისთვის, ყველა საჯარო სკოლა აღჭურვილი იქნება სახელმძღვანელოებით. ამჟამად სახელმძღვანელოების პირველი ნაწილი უკვე დაბეჭდილია და 1-ელ აგვისტომდე დარიგდება.

მოსწავლეებისა და მასწავლებლების სახელმძღვანელოებით უზრუნველყოფის პროგრამას სამინისტრო 2013 წლიდან ახორციელებს.