„ნეტავ ისეთი ენერგიულები და მიზანდასახულები იყვნენ ყველანი, როგორც ის“ - ალექსანდრა პაიჭაძე მეუღლეზე

მოდელი ალექსანდრა პაიჭაძე საუბრობს პერიოდზე, როდესაც საჯარო პოსტი დადო და საზოგადოებას მისი და ბიზნესმენ დავით კოდუას ურთიერთობის შესახებ აცნობა. მისი თქმით, უარყოფითმა კომენტარებმა მის მეუღლეზე გარკვეულწილად, ნეგატიურად იმოქმედა.

„ვერ აიტანეს ის, რომ შეიძლება 30 წლის აქტიურ და მოდელ გოგოს შეუყვარდეს 50 წლის მამაკაცი. რომელიც ასევე აქტიური და ენერგიულია. ათასი შეურაცხყოფა მიაყენეს მარტო იმიტომ, რომ არის 50 წლის. იმ ყველაფერს ჩემი მეუღლეც კითხულობდა, ხედავდა, რომ წერდნენ - „ვაიმეე, ეს ბებერი“, ეს უდიდესი ფსიქოლოგიური დარტყმაა. არ არის ბებერი. ნეტავ ისეთი ენერგიულები, მიზანდასახულები და მიზანსწრაფულები იყვნენ ყველანი, როგორც ის. ვხედავდი, რომ თვითონაც გული წყდებოდა, თვითშეფასების მომენტია, „მართლა ასეთი ცუდი ვარ?!“, „მართლა ასეთი შეუფერებელი ვარ?!“, ამაზე უფრო მწყდებოდა გული“, - ამბობს ალექსანდრა პაიჭაძე.