„თავი ნუ მომაბეზრეთ!“ - რას ამბობს „ნაპოლის“ პრეზიდენტი კვარაცხელიას კონტრაქტზე

რამდენიმე წუთის წინ იტალიურ პრესაში „ნაპოლის“ პრეზიდენტის, აურელიო დე ლაურენტისის ინტერვიუ გავრცელდა, სადაც ქართველ ტალანტზე, ხვიჩა კვარაცხელიას შესახებაც საუბრობს. კონკრეტულად კი მის კონტრაქტზე, რომელიც ბოლო პერიოდში განხილვის ერთ-ერთი მთავარი თემაა.

„რა ხელშეკრულების გახანგრძლივებაზე და ცვლილებებზე საუბრობთ... ამ საკითხით თავი ნუ მომაბეზრეთ. კონტრაქტს ორი მხარე დებს. როცა ორივე მხარე ადგილზეა, ერთი დგება და მოლაპარაკებებს იწყებს. და საერთოდ, 5-წლიანი ხელშეკრულება აქვს...“ - აცხადებს „ნაპოლის“ პრეზიდენტი.