ირაკლი ჩხეიძემ ევროპის ჩემპიონატზე 3 ოქროს მედალი მოიპოვა

ირაკლი ჩხეიძემ ევროპის ჩემპიონობა 3 ოქროს მედლით იზეიმა! - ალბანეთში მიმდინარე 23 წლამდე ძალოსანთა ევროპის ჩემპიონატზე 102 კგ. წონით კატეგორიაში ირაკლი ჩხეიძემ იასპარეზა.

ქართველმა ძალოსანმა მთავარი მწვრთნელის, გიორგი ასანიძის ხელმძღვანელობით ატაცში 161/165 კილოგრამის ძლევით ოქროს მედალი მოიპოვა, ჩხეიძემ აკვრაში თავი 194/205/216 კილოგრამს გაართვა და კვლავ ოქროს მედალი მოიპოვა, ასევე უმაღლესი სინჯის მედალს დაეუფლა ორჭიდში მოგროვილი 381 კილოგრამითაც.