უბედური შემთხვევა კახეთში - 5 წლის ბავშვს ავტომობილი დაეჯახა

ავტოსაგზაო შემთხვევა ლაგოდეხის მუნიციპალიტეტის ორი სოფლის, შრომისა და კავშირის შემაერთებელ ცენტრალურ მაგისტრალზე მოხდა. ადგილობრივების ინფორმაციით, მსუბუქი ავტომანქანა, რომელიც ლაგოდეხი-თბილისის მიმართულებით მოძრაობდა, 5 წლის ბავშვს დაეჯახა.

ბავშვი ქუჩაში, დედასთან ერთად იმყოფებოდა, ავტომანქანას კი, სოფელ ვარდისუბანში მცხოვრები ქალი მართავდა.

სასწრაფო-სამედიცინო დახმარების ბრიგადამ, დაშავებული ლაგოდეხის არქიმედეს კლინიკაში გადაიყვანეს. მდგომარეობა მძიმეა.

გამოძიება მომხდარ ფაქტზე, სისხლის სამართლის კოდექსის 276- ე მუხლის მეექვსე ნაწილით დაიწყო.