გოგო, რომელიც ბრმა ტყვიას ემსხვერპლა, რამდენიმე ადამიანს გადაარჩენს - ოჯახმა ორგანოების დონაციის გადაწყვეტილება მიიღო (აშშ)

კეიტლინ სტრეიტი 28 კვირის ორსული იყო. ის, 2 პირთან ერთად, ავტომობილით მგზავრობდა, რა დროსაც მძღოლს, სხვა ავტომობილში მყოფ პირთან, გზის დათმობის გამო, შელაპარაკება მოუვიდა.

მძღოლებს შორის კამათს სროლა მოჰყვა, რის შედეგადაც 17 წლის კეიტლინი სასიკვდილოდ დაიჭრა.

ექიმებმა მას საკეისრო კვეთა გაუკეთეს და ბავშვი გადაარჩინეს, ახალგაზრდა ქალი კი დაიღუპა.

უცხოური გამოცემის ცნობით, სტრეიტის ოჯახმა მისი ორგანოების დონაციის და რამდენიმე ადამიანის სიცოცხლის გადარჩენის გადაწყვეტილება მიიღო.

მკვლელობაში ბრალდებული დაკავებულია.