ყველაზე ბედნიერი მამა ვიქნებოდი, ახლა რომ შემძლებოდა შენი ჩახუტება და დაბადების დღის მოლოცვა - დავით ქაცარავა

ანტისაოკუპაციო მოძრაობის „ძალა ერთობაშიას“ ლიდერი დავით ქაცარავა, რომელიც ახლა უკრაინაშია, შვილის დაბადების დღესთან დაკავშირებით სოციალურ ქსელში ემოციურ პოსტს აქვეყნებს.

„ყველაზე ბედნიერი მამა ვიქნებოდი, ახლა რომ შემძლებოდა შენი ჩახუტება და შენი მე-16 დაბადების დღის მოლოცვა, მიშო. მაგრამ რომ დავბრუნდები, მერე ათასმაგად ჩაგეხუტები და მოგეფერები. მამას სიამაყე და ბედნიერება ხარ! დღეს ჩემი მიშოს დაბადების დღეა! მალე დაგიბრუნდები!“, - წერს ქაცარავა.