საპატრიარქო ერეკლე მეფეს პარაკლისს გადაუხდის

საქართველოს საპატრიარქო 4 ივნისს, 12:00 საათზე სვეტიცხოვლის ტაძარში ერეკლე მეფის სულის მოსახსენიებელ პანაშვიდს და წმინდა მეფე-დედოფალთა სავედრებელი პარაკლისს არასრულებს.

საპატრიარქოს ცნობით, პარაკლისის შესახებ ტაძრის წინამძღოლებს ინფორმაცია უკვე აუწყეს.

„დღეს საქართველოს საპატრიარქოს სახელით ტაძრების წინამძღვრებს დაეგზავნათ შეტყობინება. ინფორმაციის გასაცნობად უცვლელად გთავაზობთ შეტყობინების შინაარსს:

გაცნობებთ, რომ შაბათს, 2022 წლის 4 ივნისს, 12:00 საათზე, სვეტიცხოვლის საპატრიარქო ტაძარში აღესრულება ერეკლე მეფის სულის მოსახსენებელი პანაშვიდი და წმინდა მეფე-დედოფალთა სავედრებელი პარაკლისი.

გთხოვთ, აუწყოთ მრევლის წევრებს, მობრძანდეთ და პატივი მივაგოთ ჩვენი ქვეყნის ღირსეულ შვილებს". - აღნიშნულია საპატრიარქოს მიერ გავრცელებულ ინფორმაციაში.

ცნობისთვის, ერეკლე მეფესთან დაკავშირებით საუბარი მას შემდეგ დაიწყო, რაც მწერალმა და პოლიტიკოსმა ლევან ბერძენიშვილმა განაცხადა, რომ მან არასწორი გადაწყვეტილება მიიღო, როცა საქართველო რუსეთს ჩააბარა.