სააკაშვილის ჯანმრთელობის მდგომარეობაზე დამოუკიდებელი ექსპერტების სრული დასკვნა ორ დღეში იქნება მზად

მიხეილ სააკაშვილის ჯანმრთელობის მდგომარეობაზე დამოუკიდებელი ექსპერტების სრული დასკვნა ორ დღეში იქნება მზად. როგორც ყოფილი პრეზიდენტის ინტერესების დამცველმა განაცხადა, ამერიკელი სპეციალისტების დოკუმენტი უკვე საქართველოშია გადმოგზავნილი, თუმცა ამ დასკვნის გამო საქმეში კიდევ ორი ახალი ექსპერტი ჩაერთვება.

დღეს კიდევ ერთხელ ითქვა, რომ ექიმების შეფასება სასამართლოსთვის მიმართვის საფუძველი გახდება, რათა სასჯელი გადავადდეს. ექსპრეზიდენტის ოჯახის წევრები და ადვოკატი აცხადებენ, რომ მისი მდგომარეობა მძიმეა.