„როდესაც წვიმდა, მაგიდის ქვეშ დამიძინია, რომ არ დავსველებულიყავი“ – ლევან რატიანი რთულ დღეებზე

პირველი საუნივერსიტეტო კლინიკის გენერალური დირექტორი ლევან რატიანი განვლილ მძიმე დღეებს იხსენებს.

„ძალიან რთული ცხოვრება გავიარე. მე და ჩემი და სამედიცინოზე რომ ვსწავლობდით, ერთად ვცხოვრობით, იყო პერიოდი, წვიმის დროს მაგიდის ქვეშ გვეძინა. ნაქირავებ ბინაში წვიმა ჩამოდიოდა. მაშინ მშობლებს არ ჰქონდათ იმის საშუალება, რომ კომფორტულ გარემოში გვეცხოვრა. ამიტომ ღმერთის წყალობით ყველაფერს მივაღწიე. ეს არ მგონია სირთულე ყოფილიყო, იყო ჩემი ცხოვრების ეტაპი, რომელიც წარმატებით გადავლახე. 

ბევრჯერ უკითხავთ ჩემთვის, „ის შენი მტერია?“, არამ, რომ შემხვედრია, ისეთი გამარჯობა მითქვამს, თვითონაც გაჰკვირვებია და მისთვის ძალიან ბევრი სიკეთე გამიკეთებია. ასეც იქნება, რადგან ჩემთვის მტრობა მიუღებელია.

სვანური ხასიათი მაქვს, საქმე რომ გაკეთდეს, ძალიან ბევრს ვჩხუბობ და შეიძლება ამან ბევრი მტერი გამიჩინოს. მაგრამ ვფიქრობ რომ მე მათი და ისინი ჩემი მტრები არ არიან“, – ამბობს რატიანი.