პარლამენტის შემდეგ, „ალტ-ინფოს“ აქტივისტებმა აქცია „ქართული ოცნების“ ცენტრალურ ოფისთან გამართეს

პარლამენტთან აქციის გამართვის შემდეგ, „ალტ-ინფოს“ აქტივისტებმა „ქართული ოცნების“ ცენტრალურ ოფისთან გადაინაცვლეს.

აღნიშნულ ტერიტორიაზე საპატრულო პოლიცია იყო მობილიზებული, რის გამოც მათ შენობასთან მიახლოვება ვერ შეძლეს.

მათი განცხადებით, „ქართული ოცნება“ ხელს უწყობს „პრაიდის“ გამართვას. ამდენად, მათ მოთხოვნები პარტიის ოფისთანაც დააფიქსირეს.

„ქართული ოცნების“ შენობასთან აქციის გამართვის შემდეგ აქტივისტები ვაკეში, ევოკავშირის ოფისისკენ გაემართნენ.