მძღოლი დაჯარიმდება 100, 200 და 300 ლარით, ასევე დააკლდება ქულები - რეგულაციის დეტალები
1794996190
AM კატეგორიის სატრანსპორტო საშუალებების რეგისტრაცია დღეიდან სავალდებულო ხდება.
როგორც საქართველოს შინაგან საქმეთა სამინისტროს მომსახურების სააგენტოში განმარტავენ, ევროკავშირთან ასოცირების ხელშეკრულებით ნაკისრი ვალდებულებების ფარგლებში, „საგზაო მოძრაობის შესახებ“ საქართველოს კანონში განხორციელებული ცვლილების შესაბამისად, მოპედი და მსუბუქი კვადროციკლი ექვემდებარებიან კანონმდებლობით დადგენილი წესით რეგისტრაციას.
სააგენტოს ცნობით, მიმდინარე წლის 28 მარტამდე მოპედისა და მსუბუქი კვადროციკლის პირველადი რეგისტრაციისათვის მოქმედებდა რეგისტრაციის გამარტივებული წესი. გარდა მომსახურების სააგენტოს სტრუქტურული ერთეულებისა, 28 მარტამდე AM კატეგორიის სატრანსპორტო საშუალებების დათვალიერება ან/და რეგისტრაციის მიზნით პირველადი რეგისტრაციისთვის განკუთვნილი დოკუმენტაციის წარდგენა შესაძლებელი იყო პერიოდული ტექნიკური ინსპექტირების (PTI) ცენტრების საშუალებითაც.