„მირეკავდა და „ჯიგარი ხარო“ მეუბნებოდა, ეს ყველაზე დიდი შეფასება იყო ჩემი ამ ქვეყნად ყოფნის“ - ხოფერია ამაშუკელზე

ყოფილი პარლამენტარი ხათუნა ხოფერია პოეტ რეზო ამაშუკელის გარდაცვალების ფაქტს ეხმაურება.

„ეს 1994 წელია... მე მაგარი პოეტის, რეზო ამაშუკელის მეგობარი და თანამებრძოლი ვარ. დღეს ის წავიდა მარადისობაში. სამშობლოს სიყვარულით, სამშობლოსთვის ბრძოლით, მართალი სიტყვის, როგორც ბრძოლისას ტყვიის სროლით დაღლილი. სატელევიზიო გამოსვლების შემდეგ მირეკავდა და „ჯიგარი ხარო“ მეუბნებოდა... მერე კი, მაკრიტიკებდა და უამრავ შენიშვნას მაძლევდა. ეს „ჯიგარი ხარო“ იყო ყველაზე დიდი შეფასება ჩემი ამ ქვეყნად ყოფნის. მომენატრებით, ბატონო რეზო, ძალიან მომენატრებით...“, - წერს ხოფერია.