მიმართეს თუ არა გამგეობას, ლიფტის შეკეთების თხოვნით კორპუსიდან, სადაც ტრაგედია დატრიალდა - მაჟორიტარი დეპუტატის კომენტარი

ვაზისუბანში მომხდარ ტრაგედიას ისნის მაჟორიტარი ეხმიანება.

როგორც იგი ამბობს, კორპუსიდან ლიფტის შეკეთებაზე მიმართვა გამგეობაში არ ყოფილა. 

„ჩვენ გვაქვს ის ინფორმაცია რაც მოხდა. დიდი ტრაგედიაა, დაიღუპა ახალგაზრდა ცოლ-ქმარი. ველოდებით გამოძიებას, რომელიც მალე დასრულდება და ზუსტ მიზეზს გვეტყვის. არ ვიცი, ლიფტი მწყობრიდან იყო თუ არა გამოსული. ჩვენ გვაქვს ინფორმაცია, რომ მოხდა ლიფტის გაუმართაობის გამო. ის, ინფორმაცია რაც ვრცელდება, რომ თითქოს ლიფტთან დაკავშირებით გამგეობას მიმართეს ადგილობრივებმა და გამგეობის მხრიდან რეაგირება არ იყო, ტყუილია. აქ ოთხი სადარბაზოა და ამ კორპუსიდან არცერთი ლიფტის შეკეთებაზე, რეაბილიტაციაზე მომართვიანობა არ ყოფილა”, - განაცხადა კახა ლაბუჩიძემ.

ცნობისთვის, თბილისში ლიფტის შახტში მამაკაცი ჩავარდა, მის დასახმარებლად მეუღლეც ჩავიდა, რა დროსაც ლიფტი ამუშავდა და ცოლ-ქმარი მოიყოლა.