თუ გარდაცვლილი ახლობელი მოგენატრათ, მის ხმას Alexa გაგაგონებთ - რა სიახლეს გეგმავს ცნობილი კომპანია

Amazon-ი ხმოვანი ასისტენტი Alexa-ს მომხმარებლებისთვის სიახლეს ნერგავს, კომპანიამ გამოიყენა ხმის სინთეზის ტექნოლოგია, რათა Alexa-მ გარდაცვლილი ადამიანების ხმით ისაუბროს, - ამის შესახებ Mirror-ი წერს.

როგორც კომპანიის წარმომადგენელი ამბობს, ეს საშუალებას მისცემს ადამიანებს, კოვიდპანდემიისას დაკარგულ ახლობლებთან სიახლოვე იგრძნონ. ახალი ტექნოლოგია მომხმარებლებისთვის ახლო მომავალში დაინერგება.

Amazon-მა სიახლე ლას-ვეგასში გამართულ მორიგ კონფერენციაზე გაასაჯაროვა.

Alexa-ს გარდაცვლილი ახლობლის ხმით ასალაპარაკებლად, 1 წუთზე ნაკლები ხანგრძლივობის მაღალი ხარისხის აუდიოჩანაწერიც საკმარისი იქნება.