„ძილის წინ ამის გაკეთება იგივეა, მანქანა მთელი ღამე დაქოქილი დატოვო“ - გიორგი ღოღობერიძის მიმართვა

ექიმი გიორგი ღოღობერიძე საზოგადოებას მორიგ საინტერესო რჩევას უზიარებს. 

„სანამ დასაძინებლად წახვალთ, ერთი რამ გახსოვდეთ: არაფერი აზიანებს ნერვულ სისტემას ისე, როგორც ჩვენი საკუთარი ფიქრები. როდესაც შენს თავს აწუხებ და ნერვიულობ ისეთ რაღაცებზე, რის შეცვლაც არ შეგიძლია, ასე შენს თავის ტვინს მთელი ღამე ბეტა სიხშირეზე ტოვებ. ეს იგივეა, რაც მთელი ღამე მანქანა გამორთული კი არა, არამედ დაქოქილი იყოს. 

ასევე, ღამით შფოთვა გულისცემას აჩქარებს, სისხლძარღვებს ავიწროებს და, შესაბამისად, არტერიული წნევაც იზრდება. ამიტომ ეცადეთ, ძილის წინ ნეგატიურ რამეებზე არ იფიქროთ",- განმარტავს გიორგი ღოღობერიძე.