„აეროპორტში იმას აპროტესტებდნენ, რატომ დაგვაგვიანეთ პარიზშიო. თითქოს არც არავინ მომკვდარა“ - დომენიკ მანგო თვითმფრინავში მომხდარ ტრაგედიაზე

სამოქალაქო აქტივისტი, კუკური ბარამიძე, იგივე დომენიკ მანგო Wizz Air ქუთაისი-პარიზის რეისზე მგზავრის გარდაცვალების შესახებ სოციალურ ქსელში წერს.

„ის ამბავი ხომ ყველამ გავიგეთ, რომ ვიზეარის პარიზის რეისზე მამაკაცი გარდაიცვალა. ხო და იმ თვითმფრინავის მგზავრები ის კი არა, რომ ადამიანის სიკვდილზე შეწუხებულიყვნენ, აეროპორტში იმას აპროტესტებდნენ, რატომ დაგვაგვიანეთ პარიზშიო. თითქოს არც მომკვდარა არავინო, თავის თავზე ფიქრობდნენ.

არ ვხუმრობ, თანაც უნდა გენახათ როგორი ველური სახეებით ისროდნენ დორბლებს, „დავაგვიანე საქმეზეო” - ამბობდა ეს „საქმიანი” ბიდლო. დარწმუნებული ვარ ცხედარიც რომ დაეტოვებინათ იმ თვითმფრინავში, ოღონდ თავისი მიეღოთ, ამაზეც არ იტყოდნენ უარს. შემაძრწუნებელი იყო ამ ხალხის დანახვა“, - წერს მანგო.