ტრაპიზონში ქართველი „კანონიერი ქურდის“ მკვლელობის შესახებ ახალი დეტალები ხდება ცნობილი

ტრაპიზონში ცნობილი ქართველი ,,კანონიერი ქურდი“ რეზო ლორთქიფანიძე, იგივე რეზო თბილისკი მოკლეს.

გავრცელებული ინფორმაციით, იგი მანქანაში სროლის შედეგად გარდაიცვალა. მას მანქანიდან ესროლეს და დაჭრეს. შემთხვევის ადგილზე პოლიცია და სასწრაფო ეკიპაჟი იყო მობილიზებული. ინფორმაციას ამის შესახებ ადგილობრივი მედია ავრცელებს. 

„დაშავებული რ.ლ. 112-ის სასწრაფო სამედიცინო დახმარების ჯგუფის პირველი ჩარევის შემდეგ საავადმყოფოში გადაიყვანეს. თუმცა მისი გადარჩენა ვერ მოხერხდა. ორი სავარაუდო დამნაშავე პოლიციამ უკვე დააკავა“ - წერს თურქული მედია.

გარდაცვლილი 65 წლის იყო.