თითქოს მახინჯაურში, ზღვაში გემსაწინააღმდეგო ნაღმი ტივტივებს, სიმართლეს არ შეესაბამება - სამაშველო ჯგუფმა ადგილზე ხის მორი იპოვა

სოციალურ ქსელში ვრცელდება ინფორმაცია, რომ მახინჯაურში, ზღვაში გემსაწინააღმდეგო ნაღმი ტივტივებს. შინაგან საქმეთა სამინისტროს ინფორმაციით, სახანძრო-სამაშველო ჯგუფმა შესაბამისი სპეცტექნიკის საშუალებით დაათვალიერა ინიციატორის მიერ მითითებული ზღვის პერიმეტრი.

სახანძრო-სამაშველო ჯგუფის წევრებმა ადგილზე ხის მორი იპოვეს. შსს-ში აცხადებენ, რომ რეაგირებენ ყველა მსგავს შეტყობინებაზე.