როგორია მიხეილ სააკაშვილის ჯანმრთელობის მდგომრეობა - ადვოკატის კომენტარი

მიხეილ სააკაშვილის სამედიცინო გამოკვლევა ხვალ დასრულდება,- ეს ინფორმაცია მედიას, ექსპრეზიდენტის პირადმა ექიმმა მიაწოდა.

ნიკოლოზ ყიფშიძის განმარტებით, დღის განმავლობაში ორ კვლევაზე მეტი ვერ კეთდება, ვინაიდან აღნიშნულის საშუალებას ხანდახან, პაციენტის მდგომარეობა ვერ იძლევა.

„ვივა მედიში" იმყოფებოდა მიხეილ სააკაშვილის ადვოკატი შოთა თუთბერიძეც.

„შესამჩნევია სისუსტე, საკვებს ის კვლავაც ვერ იღებს, ამ მიმართულებით არავითარი წინსვლა არ გვაქვს, ნევროლოგიური მაჩვენებლები გაუარესებულია. ადმინისტრაციამ გასცა უკვე თანხმობა ყველა იმ ვიზიტორზე, რომელსაც  კანონი ითვალისწინებს და რომელიც საფრთხეს არ შეუქმნის მიხეილ სააკაშვილს. კიდევ ველოდებით რამდენიმე თანხმობას პარლამენტის წევრებთან დაკავშირებით, დანარჩენი თანხმობები პენიტენციური სამსახურის თქმით გადაცემულია და ჩემთვის გაუგებარია, რატომ არ არის პენიტენციური სამსახურიდან თანხმობები მოსული, მაგალითად ექიმ ნიკოლოზ ყიფშიძეზე. იმედი მაქვს ეს პრობლემა სწრაფად მოგვარდება და თანხმობა გაიცემა დროზე",- განაცხადა შოთა თუთბერიძემ.