ქალების მიმართ ძალადობაში ბრალდებული 2 კაცი 3000-3000 ლარის სანაცვლოდ გათავისუფლდა

ძალადობაში ბრალდებულ ორ ახალგაზრდასთან საპროცესო შეთანხმება გაფორმდა. სასამართლოს გადაწყვეტილებით, ვ.ა-ს 3 000 ლარი და ერთწლიანი პირობითი მსჯავრი შეეფარდა, ხოლო გ.კ-ს კი 3 000 ლარის გადახდა დაეკისრა.

დაუზუსტებელი ინფორმაციით, ძალადობა „ახალციხის ციხის“ ტერიტორიაზე მდებარე სასტუმრო „ჯინო ველნეს რაბათში“ ქალების მიმართ განხორციელდა.  დაპირისპირება სტუმრებს შორის მოხდა.

საკითხთან დაკავშირებით დეტალებზე არ საუბრობენ ბრალდებულების ადვოკატები. კომენტარს არ აკეთებენ სასტუმროშიც. მომხდარზე გამოძიება სსკ–ის 126–ე მუხლით მიმდინარეობდა. ცნობისთვის, ორივე პირი წარსულში ნასამართლევია.

წყარო: „სამხრეთის ჯარიბჭე“