მერცის განცხადებით, ვიდრე ისრაელი ღაზის სექტორში სამხედრო ოპერაციების გაფართოებას გეგმავს, გერმანიის მთავრობა ისრაელში სამხედრო აღჭურვილობის ექსპორტზე თანხმობას აღარ გასცემს

გერმანიის კანცლერის, ფრიდრიხ მერცის განცხადებით, ვიდრე ისრაელი ღაზის სექტორში სამხედრო ოპერაციების გაფართოებას გეგმავს, გერმანიის მთავრობა ისრაელში სამხედრო აღჭურვილობის ექსპორტზე თანხმობას აღარ გასცემს.

მერცი აღნიშნავს, რომ ისრაელელი მძევლების გათავისუფლება და ცეცხლის შეწყვეტის შესახებ მოლაპარაკებები გერმანიისთვის უმთავრესი პრიორიტეტებია.

ამასთანავე, ის ღაზის სექტორში მშვიდობიანი მოსახლეობის ტანჯვის გამო ღრმა შეშფოთებას გამოხატავს.

მერცის თქმით, „სულ უფრო რთული გასაგებია“, როგორ დაეხმარება ისრაელის სამხედრო გეგმა „ჰამასის“ განიარაღებისა და მძევლების გათავისუფლების ლეგიტიმური მიზნების მიღწევაში.